माझी पुणेरी ऑरकुट प्रोफाइल

माझी पुणेरी  ऑरकुट प्रोफाइल  

About Me:

1. ही प्रोफाइल वाचण्या आधी हे नियम वाचा.
2.  ही जोश्यांची प्रोफाइल नाही. वारंवार चौकश्या करू नयेत. अपमान होईल !
3. स्क्रॅपबुक वर विनाकारण स्क्रॅप टाकु नयेत. उत्तरे मिळणार नाहीत.
4. स्क्रॅपबुक वर थिललर वा आचरट प्रश्न विचारल्यास तशीच उत्तरे दिली जातील.स्क्रॅपबुक वर जाहिराती अथवा आचरट मजकूर टाकल्यास कायदेशीर कारवाई केली जाईल.
5.  ह्या प्रोफाइल ला वारंवार भेट देऊ नये. बॅंड विड्थ मर्यादित आहे. आम्ही बॅंड विड्थ चे पैसे भरतो.
6.  या प्रोफाइल वरचा मजकूर इतरत्र कोपी पेस्ट केल्यास कायदेशीर कारवाई केली जाईल.
7. प्रोफाइल वरचे फोटो मनोरंजना साठी लावले आहेत. त्याचा खासगी मालमत्ते सारखा वापर करू नये.
8. फोटो जास्त वेळ बघू नयेत. फोटोची झीज झाल्यास दंड पडेल.
9. ही देशपांड्यांची खासगी जागा आहे. आत पाहण्यासारखे काही नाही.
10. अनोळखी व्यक्तिंनी भेट देऊ नये. अपमान झाल्यास आम्ही जबाबदार नाही.
11. फिरत्या ओनलाईन विक्रेत्यानि आत येऊ नये. त्यांच्या कंप्यूटर मध्ये व्हायरस गेल्यास आम्ही जबाबदार नाही.
12. वाट्टेल तिथे उगाच क्लिक करत बसू नये. काही मोड्तोड झाल्यास खर्च भरून द्यावा लागेल.
13. ही कामाची जागा आहे. गप्पा मारायचा आड्डा नाही.

passions:

1. पुण्यातल्या प्रत्येक गोष्टी बाबत जाज्वल्य अभिमान बाळ्गणे.

sports: 

1. पुण्यातल्या रस्त्यां मधून वाहन चालवणे.
2. वाहने चालवताना गप्पा मारणे.
3. चालत्या बस मधून उतरणे वा चढणे.
4. गाडीच्या होर्न चा वाद्या सारखा उपयोग करणे.

activities:

1. आपल्या मालकीच्या प्रत्येक वस्तू वर पाट्या लावून दुसरयांना सतत उपदेशाचा डोस पाजणे.
2. अड्ड्यावर कोंडाळे जमवून आपल्या जिभेची धार वाढवण्याचा सराव करणे.
3. प्रत्येक व्यक्तीचे दर आठवड्याला बारसे करणे. ( दर आठवड्याला नवीन टोपण नाव ठेवणे)
4. सिंहगडा वर जाणे. ( फक्त गाडीने!!)
5. टोमणे मारणे.
6. "आपले ठेवायच झाकून आणि दुसर्‍याच पाहायाच वाकून" या उक्तिचे कटाक्षाने पालन करणे.
7. फोन वर कधीही हेलो चा वापर न करणे.
8. दुसर्‍याच्या पार्ट्याना आधी दिवसभर न जेवता जाणे.
9. स्वता: च्या पार्टीला पाकीट अशक्त आहे म्हणून आयत्या वेळी टांग मारणे.
10. घरच्या घरी पतंगाचा मांजा बनवणे.
11. सायकल वरुन जाताना वृद्ध इसमास "ए बाळ बाजूला हो", अश्या आपल्या वयास न शोभणार्‍या हाका मारत जाणे.
12. सायकल वरुन जाताना केळिवाल्याला केळ्यांचा भाव विचारत जाणे.
13. दुपारी एक ते चार दुकान बन्द ठेवणे.
14. मिठाईच्या दुकानात देखील "इथे हवा भरून मिळेल का?" अशी निरागस चेहर्याने चौकशी करणे.
15. घरात झुरळे मारायची उदबत्ती लावून बाहेर पसार होणे, आणि शेजार्यांची गम्मत बघण्यासाठी संध्याकाळी उशिरा उगवणे.
16. वरच्या मजल्यावर ठोका ठोक चालू असल्यास खालून काठीने ठोकून वरच्या मजल्यावरच्या लोकाना इशारा देणे.
17. मित्रांमध्ये एकमेकाला वडिलांच्या नावाने संबोधणे.

काही अभिनव पाट्या

1.  क्रुपया खिडकीतुन पत्र टाकु नयेत. आमटीत पड्तात. चव बिघडते.
2.  लाकडी जीन्यावर : चढण्यासाठी वापर करावा... वाजवण्यासाठी नव्हे.
3.  होटेल मधे : कामाशीवाय बसु नये..
4.  दुपारी १ ते ४ दार वाजवु नये. येथे माणसे रहातात व ती दुपारी झोपतत..
5. अपमान कसा होतो ते पहायचे असल्यास वाजवुन पहा....
6.  कोर्या कागदाची झेरोक्स काधुन मिळेल.
7.  येथे कचरा टाकू नये साभार परत केला जाईल

सौजन्य:  बोलघेवडा